15-avgust kuni Toshkentda biz marketpleysda o‘z do‘konimizni qanday ochish bo‘yicha birinchi seminarni o‘tkazamiz. Mamlakatimizning turli hududlaridan 140 nafar kichik va o‘rta biznes vakillari — xotin-qizlar tashrif buyuradi.
Uzum Market mutaxassislari bosqichma-bosqich ko‘rsatmalar bilan bo‘lishadilar: marketpleysga qanday kirish, sotuvni yo‘lga qo‘yish, logistikani tashkil etish va tovar aylanmasini oshirish uchun targ‘ibot vositalaridan foydalanish. Treningdan so‘ng har bir ishtirokchi ushbu bilimlarni o‘z hududidagi boshqa ayollarga yetkazish uchun materiallar oladi.
Biz ushbu dasturni Hamroh bilan strategik sheriklik doirasida, O‘zbekiston Respublikasi Prezidentining "Oila va xotin-qizlarni qo‘llab-quvvatlash tizimini yanada takomillashtirish chora-tadbirlari to‘g‘risida"gi qarori ijrosini hamda inklyuziv raqamli iqtisodiyotni rivojlantirishni qo‘llab-quvvatlagan holda amalga oshirmoqdamiz.
Hamroh — O‘zbekistondagi tadbirkor ayollar uchun bepul maslahatlar beradigan va imtiyozli kreditlar olishda ko‘maklashadigan birinchi kompaniyadir. Biz birgalikda ayollarni biznesda — ham onlayn, ham oflayn muhitda ilhomlantirish, qo‘llab-quvvatlash va yangi imkoniyatlar ochishimizga ishonamiz.
Uzum Market va Hamroh tadbirkor ayollar uchun seminarlarni boshlaydi
13.08.2025