Uzum ekotizimi Xitoyning Tencent texnologik giganti va VR Capital xalqaro investitsiya fondining investitsiyalarini jalb qilgan O‘zbekistondagi birinchi IT-kompaniya bo‘ldi. Raundda FinSight Ventures investorlarimiz ham ishtirok etishdi.
⚡️Biz $70 million jalb qildik, mablag‘ jalb qilingandan so‘ng Uzumning yakuniy bahosi taxminan $1,5 milliardni tashkil etdi!
Jalb etilgan mablag‘lar ekotizimning o‘z fintech infratuzilmasini rivojlantirish, mahsulotlar qatorini kengaytirish, raqamli e-commerce yechimlarini rivojlantirishga yo‘naltiriladi. Shuningdek, tadbirkorlar va millionlab xususiy foydalanuvchilar uchun qulay va texnologik servislarni rivojlantirishni davom ettiramiz — har oyda mamlakatning yarmi Uzum mahsulotlaridan foydalanadi va biz o‘sishda davom etamiz.
Dunyoning yetakchi IT-kompaniyalari va fondlari milliy raqamli ekotizimni rivojlantirishni qo‘llab-quvvatlayotgani hamda mamlakatimizning ulkan istiqbollarini e’tirof etayotganidan mamnunmiz!
Katta yangiliklar! Yangi investitsiya raundi va oshgan bahoimiz
05.08.2025